ഉരുകും മനസ്സുമായ് അലഞ്ഞ നാളില്‍
മരുവും ഹൃദന്ദമായ് ജീവിതപ്പാത തിരഞ്ഞ നാളില്‍
ഒരു ഗാഢനിദ്രയിലേക്ക് വഴുതിയ നേരം
ഒരു നേര്‍ത്ത നിശ്വാസമെന്‍ കാതില്‍ വീണു
മിഴികള്‍ തുറന്നു ഞാന്‍ നോക്കിയ നേരം നിന്‍
മൃദു മന്ദഹാസമെന്‍ ജീവനെ തൊട്ടുണര്‍ത്തി
തിളങ്ങീ നിന്‍ മിഴിപ്പൂക്കള്‍ ഉഷസ്സില്‍ പൊന്‍-
കിരണമേറ്റ ഹിമകണം പോല്‍
വിടര്‍ന്നോരാ കണ്‍കളില്‍ കണ്ടു ഞാന്‍
പകലിനെ കണ്ടോരായിരം ആമ്പല്‍പൂക്കള്‍
ഒരു തുള്ളി പ്രണയത്താല്‍ നീ പൊഴിഞ്ഞ
മഴയിലെന്‍ ആത്മാവ് കുതിര്‍ന്നു പോയി
അന്ന് വിടര്‍ന്നുവെന്‍ ആത്മാവില്‍ മുല്ലകള്‍
ഒരു മരുഭൂവില്‍ പൂക്കാലം പോല്‍
എവിടെ മറഞ്ഞു പോയ് നീ, എങ്ങു പറന്നു പോയ്
പിന്നെയും ശൂന്യമായ് എന്‍ ഹൃദയം
ഒരു മിഥ്യയായ് നീ , ഒരു സ്വപ്നമായ് നീ
എന്നുമെന്‍ ഹൃദയത്തില്‍ നിറഞ്ഞു നില്‍പ്പൂ
എന്‍ ഹൃദയത്തിന്‍ നോവില്‍ നിന്നുതിര്‍ന്നിടുന്നീ
ഈരടി കവിതകള്‍ക്കെല്ലാം നിന്‍ സുഗന്ധം
No comments:
Post a Comment